GIRIK CIK: Raso kek Teraso

By: Cik Ben

Kalu kendak kito ajo nangbelaku, sementaro kendak orang lain idak kito ngaminkan, itu namonyo “retak cari belah”.  Egois dan alamat idak endak orang besanak, apolagi mandan alias kawan. Pasti orang menjauh, berasak enggak  dekek.

“Ooo…..Lebah penyengek nyampai”, upek orang.

Itu kecek tetuo daulu. Tapi kiniko kan zaman la berubah. Bentuk  nangdicontohkan itu la banyak lengit. Tinggal sifatnyo ajo lagi. Dulu waktu Bengkulu masih banyak anak sungai membelah kota, sebelum ditutup dan dijadikan lahan perumahan,  masih  banyak kucing air. Kini tinggal sifatnyo ajo lagi. Temasuk musang.

Zaman daulu dikatokan, “Rezeki Rimau Idak Dimakan Elang”. Kini Harimau tu la hampir punah. Elang jugo la banyak di tembak kawan. Tapi sifatnya masih dan idak ilang.

Mecamitulah manusio.  Ado tigo power nangperlu kito mainkan dalam hidup bemasyarakat. Tekadang utak mengalahkan raso.  Saat raso bermain, tuntutan perut menampikan segalonyo.  Kalu la mecamitu kondisi masyarakat nangado kiniko, tinggal lagi kito ‘tarik napas masing-masing’. Idak ngijo kanan kiri lagi. Asal la tetumbuk, mecamano akalnyo barangko musti masuk (Lu Kire Plobai Yang Tau).

Ternyato idak mecamitu idup dimasyarakat. Utak, Raso dekek Teriakan Perut  musti di sabarkan dan disadarkan.  Misalnyo, Bakato peribahasa, “Orang Baru Kayo Jangan di Utangi. Orang Baru Nikah Jangan di Tandangi”.   Iko hanya sebagai contoh biar balen (Balance), mecamano Utak, Raso  serto Teriakan Perut itu dapek balen difungsikan.

Kesimpulannyo, mecamano orang baru kayo endak kito utangi, sementaro belum leppe riangnyo.  Kalu kito paksokan endak ngutang,  retinyo kito endak membuek  orang baru kayo itu roboh lagi dan ‘bederai’ lagi.

Mecamitu pulo orang baru nikah, jangan kito tandangi. Ngapo? Itu pertanyaan mendidik.  Jangankan kito tandangi untuk ngota, enyo duduk sorangan ajo palaknyo pening.  Kereno orang baru nikah itu mengalami kompleksitas berkecamuk antaro utak dekek raso. Masih elok kito diusirnyo secara halus, kalu dipeccinyo? Kan pecah bulu kito jadinyo.

You might also like

Leave A Reply

Your email address will not be published.